شدید برفباری کے باعث کئی علاقوں میں بجلی کی سپلائی متاثر، محکمہ بحالی کے کام میں مصروف

سرینگر /30جنوری /
بھاری برفباری کے بعد بجلی سپلائی میں ہوئی خلل کو دور کرنے اور تمام علاقوں میں بجلی سپلائی بحال کرنے کیلئے ہنگامی بنیادو ں پر کام جاری ہے کی بات کرتے ہوئے کشمیر پاور ڈسٹری بیوشن کارپوریشن لمیٹڈ ( کے پی ڈی سی ایل ) کا کہنا ہے کہ صد فیصدی بجلی سپلائی بحال کرنے کیلئے فیلڈ ورکران کام میںمصروف ہے ۔
تفصیلات کے مطابق کشمیر پاور ڈسٹری بیوشن کارپوریشن لمیٹڈ کا کہنا ہے کہ بھاری برفباری کے باعث وادی کشمیر کے کئی علاقوں میں بجلی کی سپلائی متاثر ہوئی۔اور صبح کے اوقات میں پوری وادی کا لوڈ 850 میگاواٹ سے نیچے گر گیا۔
انہوں نے بتایا کہ کل 33KVفیڈرز میں سے 14 فالٹ کے ساتھ ساتھ 4 نمبر 33KVٹیپلائنز بھی متاثر ہوئے جس نے بنیادی طور پر وادی کشمیر کے ضلع بارہمولہ کے سوپور، کپواڑہ اور ہندواڑہ کو بجلی کی سپلائی متاثر کی۔ ضلع بڈگام اور ضلع اننت ناگ کے کچھ حصے بھی 14 میں سے 33 KV لائنوں کے 4 نمبر بند ہونے کی وجہ سے متاثر ہوئے ہیں۔
اس کے علاوہ، تقریبا فیڈرز شدید برف باری کی وجہ سے خرابی کی زد میں ہیں۔صبح سے ہی، کشمیر پاور ڈسٹری بیوشن کارپوریشن لمیٹڈ کی فیلڈ ٹیمیں ایم ڈی، کے پی ڈی سی ایل یاسین ایم چوہدری کی قابل رہنمائی میں خرابیوں کو دور کرنے کے لیے متحرک تھیں۔ خطے میں مسلسل برف باری اور انتہائی منجمد درجہ حرارت کو برداشت کرنے کے باوجود، KPDCL کی فیلڈ ٹیموں نے ناقص لائنوں پر گشت کرنا شروع کر دیا اور شام 3 بجے تک وادی کشمیر کے لوڈ کو تقریباً 1590 میگاواٹ تک پہنچانے میں کامیاب ہو گئے۔
انہوں نے کہا کہ ایم ڈی، کے پی ڈی سی ایل خود صورت حال پر گہری نظر رکھے ہوئے ہیں اور عوام کو یقین دلاتے ہیں کہ تمام فیڈرز ٹھیک ہو جائیں گے۔ KPDCL کے انضمام کے بعد یہ پہلا موقع ہے کہ اتنی تیزی سے بحالی ہوئی ہے۔