سکینہ اِیتو نے ریزرویشن قوانین پر کابینہ کی سب کمیٹی میٹنگ کی صدارت کی

جموں /22جنوری

ریزرویشن رولز سے متعلق کابینہ سب کمیٹی نے آج یہاں وزیر برائے صحت اور طبی تعلیم، سماجی بہبود او رتعلیم سکینہ اِیتو کی صدارت میں اَپنی میٹنگ طلب کی۔

میٹنگ میں وزیر برائے جل شکتی، جنگلات و ماحولیات اور قبائلی امور جاوید احمد رانا (ذیلی کمیٹی کے رکن)،کمشنر سیکرٹری محکمہ سماجی بہبود سنجیو ورما، سیکرٹری قانون اچل سیٹھی اور جنرل ایڈمنسٹریشن ڈیپارٹمنٹ کے نمائندگان نے بھی شرکت کی۔

سب کمیٹی نے موجودہ ریزرویشن پالیسی کے مختلف پہلوئوں پر اُمیدواروں اور طلبا کے ایک حصے کی طرف سے اُٹھائے گئے شکایات اور مسائل کا جائزہ لیا۔سب کمیٹی نے موجودہ ریزرویشن پالیسی پر بھی تبادلہ خیال کیا اور اس کے کئی پہلووں کا جائزہ لیا۔
یہ بات قابلِ ذِکر ہے کہ حکومت کی طرف سے کابینہ کی سب کمیٹی گزشتہ ماہ تشکیل دی گئی تھی تاکہ ریزرویشن قوانین کے خلاف امیدواروں کے متعدد طبقوں کی طرف سے پیش کی جانے والی شکایات کا جائزہ لیا جاسکے ۔
یہ سب کمیٹی وزیر اعلیٰ عمر عبداللہ کی سربراہی میںوزر کونسل کو اَپنی رِپورٹ پیش کرے گی۔