سرینگر پولیس نے ”QR “کوڈ پر مبنی جوابدہی اور فیڈ بیک سسٹم قائم کیا / ایس ایس پی

سرینگر /13مارچ /

خانیار سرینگر میں نئے فوجداری قوانین کے بارے میں ایک آگاہی پروگرام کے دوران صحافیوں سے بات کرتے ہوئے سینئر سپرنٹنڈنٹ آف پولیس سرینگر سرینگر امتیاز حسین نے کہا کہ سرینگر پولیس نے ”QR “کوڈ پر مبنی جوابدہی اور فیڈ بیک سسٹم قائم کیا ہے جس کے ساتھ ضلع کے تمام تھانوں میں مراکز قائم کیے گئے ہیں ۔

انہوں نے کہا یہ نظام لوگوں کو رائے دینے اور پولیس سے کیا توقعات رکھنے کی اجازت دے گا۔انہوں نے مزید کہا کہ اگر کسی قسم کی تبدیلی کی ضرورت ہوئی تو ان پر عمل درآمد کیا جائے گا۔ایس ایس پی نے کہا کہ کشمیر میں امن لاتعداد قربانیوں کے بعد آیا ہے۔

انہوں نے کہا”گزشتہ 35 سالوں میں، دہشت گردی اور دیگر مسائل نے بے پناہ مصائب پیدا کیے ہیں۔ تاہم مرکز،جموں و کشمیر حکومت، پولیس اور مقامی لوگوں کی کوششوں سے ہم نے کامیابی کے ساتھ امن کا ماحول پیدا کیا ہے۔ اب اس امن کی حفاظت کرنا سب کی ذمہ داری ہے۔ “ انہوں نے یہ بھی کہا کہ نئے فوجداری قوانین کے ذریعے حکومت کا مقصد آزاد اور تیز انصاف فراہم کرنا ہے اور فوجداری انصاف کی مشینری بشمول پولیس، عدلیہ اور پراسیکیوشن کو جوابدہ رکھنا ہے۔