سانبہ میں دو مجرم دیسی پستول اور ہیروئن کے ساتھ گرفتار:پولیس

جموں، 10 مارچ

پولیس نے بتایا کہ جموں و کشمیر کے ضلع سانبہ میں دو مشتبہ مجرموں کو گرفتار کرکے ان کے قبضے سے ایک دیسی پستول اور 8.13 گرام ہیروئن جیسا مواد بر آمد کیا گیا۔

ایک پولیس ترجمان نے بتایا کہ سانبہ پولیس نے تھانہ رام گڑھ کے دائرہ اختیار میں دو گینگسٹرز کو گرفتار کیا ہے اور ان کے قبضے سے ایک 32 بور دیسی پستول، سات زندہ راؤنڈ، تیز دھار ہتھیار (ٹوکا) اور 8.13 گرام ہیروئن جیسا مواد بر آمد کیا۔

گرفتار شدگان کی شناخت پریتم سنگھ عرف سیٹھی اور نارائن شرما عرف شنو کے طور پر کی گئی ہے۔
انہوں نے کہا کہ ان افراد کو رام گڑھ علاقے میں ایک گھر سے گرفتار کیا گیا۔

بیان میں کہا گیا: ‘ مجرم کوئی گھناؤنا جرم کرنے کا منصوبہ بنا رہے تھے کہ خفیہ اطلاع پر کارروائی کرتے ہوئے پولیس پارٹی نے انوپ سنگھ عرف مکھن کے گھر پر چھاپہ مار کر انہیں گرفتار کر لیا’۔

موصوف ترجمان نے کہا کہ دونوں کے خلاف صوبہ جموں کے مختلف اضلاع بشمول سانبہ میں متعدد مجرمانہ مقدمات درج ہیں۔
انہوں نے مزید کہا کہ آپریشن کے دوران پستول کے سات راؤنڈز، ایک تیز دھار والا ہتھیار اور ایک ایس یو وی بھی ضبط کی گئی۔