سرینگر: گورنر انتظا میہ نے12اور14فروری کو دفعہ35کیس کی سماعت کو التواء میں ڈالنے کیلئے عدالت عظمیٰ سے رجوع کیا۔سی این ایس کے مطابق جموں کشمیر کے سٹینڈنگ کونسل ایم شعیب عالم نے التواء کی درخواست عدالت عظمیٰ کے رجسٹرار جنرل کو پیش کردی ہے۔اس کیس کی شنوائی12 عدالت اعظمیٰ میں12اور14فروری کو ہونے والی تھی۔ایم شعیب عالم نے اپنی درخواست میں کہاہے کہ ریاست میں اس وقت منتخب سرکار نہیں ہے اور جموں کشمیر پرصدر راج نافذ ہے اس لئے موجودہ وقت اس حساس کیس کی شنوائی کیلئے موزون نہیں ہے۔انہوں نے درخواست میں لکھا ہے کہ اس بنیاد پر مذکورہ کیس کی شنوائی جموں کشمیر میں منتخب سرکار کے قیام تک ملتوی کی جانی چاہئے۔
Comments are closed.