راجوری اور اکھنور میں بڑی مقدار میں اسلحہ وگولہ بارود برآمد

جموں،16دسمبر

راجوری اور اکھنور میں سیکورٹی فورسز نے بڑی مقدار میں اسلحہ وگولہ بارود اور قابل اعتراض مواد برآمد کرکے ضبط کیاہے۔پولیس ذرائع نے بتایا کہ ہفتے کے روز جموں وکشمیر پولیس ، سی آر پی ایف اور آرمی نے راجوری کے تھانہ منڈی علاقے کو محاصرے میں لے کر تلاشی آپریشن شروع کیا۔

انہوں نے بتایا کہ ملی ٹینٹ مخالف آپریشن کے دوران سیکورٹی فورسز نے ایک پستول ، میگزین ، ہینڈ گرینیڈس اور دوسرا قابل اعتراض مواد برآمد کیا ہے۔پولیس ذرائع کاکہنا کہ ملک دشمن عناصر کے ایک بڑے منصوبے کو ناکام بنایا گیا۔ان کے مطابق پولیس نے اس سلسلے میں کیس درج کرکے تحقیقات شروع کی ہے۔دریں اثنا ہفتے کے روز اکھنور کے کاچرالہ گاوں میں کھدائی کے دوران 13بارودی شیل،195ایل ایم جی راونڈ برآمد کئے گئے۔