ذاکرموسیٰ پنجاب میں سکھ کے بھیس میں گھوم، پنجاب میں ایک مرتبہ پھر ہائی الرٹ اور سیکورٹی کے غیر معمولی انتظامات

سرینگر/6دسمبر: ان خفیہ اطلاعات کہ انصار غزوۃالہند نامی جنگجو تنظیم کے کمانڈر ذاکر موسیٰ پنجاب میں سکھ کے بھیس میں گھوم رہا ہے کے پیش نظر ایک مرتبہ پھر پنجاب میں تلاشی کارروا ئیوں میں تیزی لانے کے ساتھ ساتھ سیکورٹی انتظامات کوسخت چو کس کردیاگیا۔سی این ایس کے مطابق پنجا ب سے جاری ہونے والے میڈیا رپورٹس میں بتایا گیا ہے کہ کشمیری جنگجو ،ذاکر موسیٰ پنجاب کے فیروز پور ضلع میں بٹھنڈی علاقے میں سکھ کے بھیس میں گھوم رہا ہے۔ پنجاپ پولیس نے ایک مرتبہ پھر پوسٹر جاری کئے ہیں جن میں سکھ کے بھیس میں موسیٰ کو پگڑی پہنے دکھایا گیا ہے۔ ان خفیہ اطلاعات کے پیش نظر پوری پنجاب میں ایک مرتبہ پھرہائی الرٹ جاری کیا گیاہے۔اطلاعات میں بتایا جارہا ہے کہ فوج، پنجاب پولیس اور پیرا ملٹری اہلکاروں کو بٹھنڈا ریلوے سٹیشن اور دیگر اہم مقامات پر تعینات کیا گیا ہے اور کل صبح سے چیکنگ کا سلسلہ بھی تیز تر کیا گیا ہے کسی بھی ممکنہ جنگجویانہ کاروائی یا تشدد سے بروقت نمٹنے کیلئے پنجاب بھر میں تلاشی کارروائیاں تیز کرنے اورسرحدی علاقوں میں سخت چوکسی کے احکامات صادر کئے گئے ہیں اور اہم شاہراؤں پر خصوصی ناکہ لگا ئے جارہے ہیں جبکہ ائر پورٹ ، ریلو ئے اسٹیشنوں پرپولیس وفورسز کی بھاری نفری کو تعینات کیا گیا۔امرتسر، چند ی گڑ ھ اور دیگر اہم شہروں میں سیکورٹی کے سخت انتظا مات کیے جارہے ہیں۔ جگہ جگہ پر پنجاب پولیس کی بھا ری نفری کو تعینات کیا گیا ہے۔ ادھرپاکستان اور فیروز پورہ سے لگنے والی سرحدوں کو بھی سیل کیا گیا ہے اور وہ تعینا ت بی ایس ایف کو چوکس رہنے کی ہدایت دی گئی۔ ان کو نہ صرف متحر ک کیا گیا ہے بلکہ انہیں شبانہ گشت بڑھا نے کا حکم جاری کیاگیا ہے۔ادھر اس رپورٹ کہ جیش محمد کے جنگجو پنجاب دلی کے اندر داخل ہونے کا منصوبہ بنارہے ہیں کے بعد بھارت کی راجدھانی دہلی کے علاوہ پارلیمنٹ ہاوس، لال قلعہ، عدالت عظمیٰ کے علاوہ مختلف شہروں میں قائم ہوائی اڈوں اور دیگر اہم سرکاری تنصیبات پر غیر معمولی سیکورٹی کے انتظامات کئے گئے جبکہ دہلی کے انڈین گیٹ خصوصی فورسز کے علاوہ نیشنل سیکورٹی گارڈوں کو تعینات کیا گیا۔ جموں شہر میں بھی سیکورٹی کے سخت انتظامات کئے گئے ہیں۔ ادھر پنچاب کے پڑوسی شہرجموں شہرمیں بھی سیکورٹی کا خاصا بندوبست کردیا گیا۔ جموں کے ریلوے اسٹیشن ، بس اڈے، ہوٹلوں وعبادت گاہوں کے اردگرد بھی پویس وفوسز کا پہرا بٹھا دیا گیا ہے جبکہ شہر کے دوسرے پبلک مقامات پر بھی پولیس کی نگرانی بڑھا ئی گئی ہے۔حفاظتی ایجنسیوں کو ان خفیہ اطلاعات کے بعد چوکنا کیا گیا ہے جن میں بتایا گیا ہے کہ ۔اس سے قبل بھی ماہ نومبر میں پنجاب کے گورداسپور اور امرتسر علاقوں میں موسیٰ کے پوسٹر جاری کئے گئے تھے۔جنگجو بننے سے قبل موسیٰ2010سے2013تک پنجاب کے موہالی ضلع میں قائم ایک ادارے میں طالب علم ر ہ چکا ہے۔