درجنوں نمازجنازوں کی ادائیگی کے بعد مجہ گنڈ جھڑپ میں جاں بحق دو مقامی لشکر جنگجو سپرد خاک

ہڑتال کے باوجود نماز جنازوں میں لوگوں کو سیلاب اُمڑ آیا ، تجہیز و تکفین کے بعد حاجن میں پُر تشدد جھڑپیں

سرینگر/10دسمبر: پُر تشدد احتجاجی مظاہروں اور مکمل ہڑتال کے بیچ کئی مرتبہ نما ز جنازوں کی ادائیگی کے بعد مجہ گنڈ جھڑپ میں جاں بحق ہوئے دو مقامی جنگجو کو آبائی علاقے میں ہزاروں لوگوں کی موجودگی میں سپرد خاک کیا گیا ۔ اسی دوران دونوں مقامی جنگجو ئوں کی تجہیز و تکفین کے بعد حاجن میں نوجوانوں کی ٹولیوں نے احتجاجی مظاہرے کئے جس دوران فورسز اور مظاہرین کے درمیان پُر تشدد جھڑپیں ہوئی ۔ سی این آئی کے مطابق مجہ گنڈ شالہ ٹینگ سرینگر میں قریب18گھنٹوں تک مسلح خونین معرکہ آرائی میں عسکری تنظیم لشکر طیبہ سے وابستہ تین جنگجو جاں بحق ہو گئے جن میںسے دو مقامی کم عمر نوجوان تھے ۔ جن کی شناخت 14سالہ مدثر احمدپرے عرف بلہ اور 17سالہ ثاقب بلال بٹ ساکنہ حاجن بانڈی پورہ کے بطور ہوئی ۔ دونوں جاں بحق جنگجو ئوں کو اتوار کی شام دیر گئے آبائی علاقوں میں پہنچایا گیا جس کے بعد انتظامیہ نے فیصلہ لیا کہ دونوں جاں بحق جنگجوئوں کو سوموار کی صبح سپرد خاک کیا جائے گا ۔ اسی دوران جونہی تمام مہلوک جنگجوئوں کی نعشیں آبائی علاقے میں پہنچایا گئی تو اس موقعے پر وہاں کہرام مچ گیااور لوگوں کا جم غفیر علاقے میں امڈ آیا اور اس دوران نہ صرف وہاں ماتم اور آہ و زاری کے رقعت آمیز مناظر دیکھے گئے بلکہ علاقے میں لاوڈ اسپیکروں پر اسلام اور آزادی کے حق میں نعرے بازی کا سلسلہ ردن بھر جاری رہا۔ اسی دوران سوموار کی صبح حاجن اور اس کے آس پاس والے علاقوں سے تعلق رکھنے والے ہزاروں لوگوں نے مہلوک جنگجوئوں کے آبائی علاقے کا رخ کیا جس فوران انہوں نے جاں بحق جنگجوئوں کے نماز جنازے ادا کئے گئے ۔عین شاہدین کے مطابق لوگوں کی بھاری تعداد کے پیش نظر قریب ایک درجن مرتبہ نما ز جنازہ ادا کیا گیا ،۔معلوم ہوا ہے کہ جاں بحق جنگجو ئوںکے نماز جنازوں میں ہزاروں لوگوں کی تعداد میں شرکت کی جس کے بعد انہیں اپنے آبائی مقبروں میں پْر نم آنکھوں کے ساتھ سپرد خاک کیا گیا ۔اس دوران جاں بحق جنگجوئوں کے یاد میں حاجن بانڈی پورہ میں مکمل ہڑتال رہی جس کے نتیجے میں کاروباری سرگرمیاں معطل رہیں، دکانیں، تجارتی مراکزا ور دفاتر وغیرہ بند رہے جبکہ گاڑیوں کی آمدروفت بھی بری طرح سے متاثر رہے ۔ ۔ نمائندے کے مطابق مہلوک جنگجوئوں کے تجہیز و تکفین کے بعد علاقے میں اس وقت حالات کشیدہ ہوگئے جب نوجواانوں کی ٹولیوں نے سڑکوں پر نکل کر احتجاجی مظاہرے کئے جس دوران مظاہرین اور فورسز کے درمیان جھڑپیں بھی ہوئی ۔ آخری اطلاعات ملنے تک علاقے میں حالات کشیدہ بنے ہوئے تھے ۔