حکومت کھیلو انڈیا سرمائی کھیلوں کیلئے فی الحال نئی تاریخوں کا اعلان کرنے کی پوزیشن میں نہیں / عمر عبداللہ

سرینگر/23فروری /

حکومت کھیلو انڈیا سرمائی کھیلوں کیلئے فی الحال نئی تاریخوں کا اعلان کرنے کی پوزیشن میں نہیں ہے کی بات کرتے ہوئے وزیر اعلیٰ عمر عبد اللہ نے کہا کہ گلمرگ میں ہیلی کاپٹر سروس سال بھر کام کرے گی، جس سے سیاح قدرتی فضائی نظاروں سے لطف اندوز ہو سکیں گے۔

وزیر اعلیٰ عمر عبد اللہ نے شہرہ آفاق گلمرگ میں سال بھر چلنے والی ہیلی کاپٹر سروس کا افتتاح کیا جس دوران انہوں نے صحافیوں سے بات کرتے ہوئے کہاکہ ہیلی کاپٹر سروس سال بھر کام کرے گی، جس سے سیاح قدرتی فضائی نظاروں سے لطف اندوز ہو سکیں گے۔

انہوں نے کہا کہ گلمرگ جلد ہی ہیلی اسکیئنگ اور ایڈونچر سواریوں کیلئے ایک اہم مقام بن جائے گا اور کہا کہ حکومت کھیلو انڈیا سرمائی کھیلوں کے لیے نئی تاریخوں کا اعلان کرنے کی پوزیشن میں نہیں ہے۔واضح رہے کہ کھیلو انڈین سرمائی کھیل مقابلے2025 کا دوسرا مرحلہ جو اس ماہ کے شروع میں گلمرگ میں ہونا تھا کم برف باری کی وجہ سے ملتوی کر دیا گیا تھا۔عمر عبد اللہ نے مزید کہا کہ انتظامیہ برف باری کی صورتحال پر نظر رکھے ہوئے ہے۔انہوں نے کہا”ابھی تک، ہم کوئی اعلان کرنے کی پوزیشن میں نہیں ہیں۔ اگر ہمیں مناسب برفباری ہوتی ہے، تو کھیل مقابلے مارچ کے شروع میں ہوں گے؛ ورنہ موسم گرما کے قریب آنے کی وجہ سے یہ ممکن نہیں ہو گا“۔

وزیراعلیٰ نے کہا کہ ہیلی کاپٹر سروس ہیلی سکینگ کو فروغ دے گی اور سیاحوں کو سیاحت کا منفرد تجربہ بھی فراہم کرے گی۔ انہوں نے کہا ” جلد ہی، گلمرگ مشہور گونڈولا سواریوں کے ساتھ ہیلی مہم جوئی کیلئے ایک اہم مقام کے طور پر پہچانا جائے گا۔ “ انہوں نے مزید کہا کہ ہیلی کاپٹر سروس سال بھر کام کرے گی، جس سے سیاحوں قدرتی فضائی نظاروں سے لطف اندوز ہو سکیں گے۔وزیر اعلیٰ نے انکشاف کیا کہ حکومت گلمرگ کے سکی انفراسٹرکچر کو بڑھانے کیلئے نجی سرمایہ کاروں کے ساتھ بات چیت کر رہی ہے۔ انہوں نے کہا ”س کے علاوہ، پائپ لائن میں نئے کیبل کار منصوبوں کے ساتھ، گونڈولا کو مزید ترقی دینے کے منصوبے جاری ہیں“۔بجٹ کے بارے میں پوچھے جانے پر عمر عبد اللہ نے تبصرہ کرنے سے انکار کرتے ہوئے کہا کہ وہ 7 مارچ کو اس مسئلے کو حل کریں گے۔