جموں کشمیر کی صورتحال بہتری کی طرف گامزن ، تشدد آمیز واقعات میں کمی / فوجی سربراہ

سرینگر /20مارچ : وادی کشمیر میں صورتحال بہتری کی طرف گامزن ہو رہی ہے کی بات کرتے ہوئے آرمی چیف نے پاکستان کے نام سخت پیغام دیتے ہوئے کہا کہ حالیہ دنوں میں سرحدوں پر جنگ بندی خلاف ورزیوں میں اضافہ دیکھنے کو ملا ۔ انہوں نے کہا کہ سرحدوں پاکستان کی جانب سے اگر خلاف ورزی بند نہ ہوئی تواس کا سخت جواب دیا جائے گا ۔سی این آئی مانیٹرنگ کے مطابق نئی دہلی میں میڈیا سے بات کرتے ہوئے فوج کے جنرل مکند منوج نروانے نے لائن آف کنٹرول پر جاری جنگ بندی معاہدے کی خلاف ورزیوں پر سخت اظہار برہمی کرتے ہوئے کہا کہ پاکستان کی جانب سے جنگ بندی معاہدے کی خلاف ورزیوں کا سلسلہ بند نہ کیا گیا تو ایک بار پھر سرجیکل سٹرائیک کریں گے۔انہوں نے کہا کہ ہمارا ملک ایک سے زیادہ سیکورٹی چیلنجوں سے نبردآزما ہے ۔ انہوں نے بتایا کہ دفعہ 370کے خاتمہ کے بعد جموں و کشمیر میں تشدد دیکھنے کو ملا، ہم نے اس پر قابو پا لیا ہے۔ مکند نروانے نے کہا کہ میں ہر فوجی اہلکارسے کہنا چاہتا ہوں کہ ہم سب مل کر ایک مضبوط فوج بنائیں گے۔انہوں نے بتایا کہ یہ پاکستان کی بیوقوفیوں کو ثابت کریں گے اور اس کی بھاری قیمت اس کو چکانی پڑے گی۔ انہوںنے کہاکہ اس طرح کے حملوں کو برداشت نہیں کیا جائے گا جبکہ پاکستان ایل اوسی پر مسلسل جنگ بندی کی خلاف ورزی کررہا ہے اور رواں سال جنگ بندی کی خلاف ورزی کی تعداد میں اضافہ ہوا ہے۔ انہوں نے مزید کہا کہ ہم پاکستان کی کارروائیوں کو نہیں بھولیں گے۔ انہوں نے کہا کہ ہماری فوج کسی بھی کارروائی کا بھر پور جواب دینے کیلئے تیار اور اس پار سے آنے والی ہر گولی کا بھر پور جواب دیا جا رہا ہے ۔انہوں نے کہا کہ پاکستان اپنی حرکتوں سے باز نہیں آ رہا ہے اور فوج کو ہدایت دی گئی ہے کہ وہ کسی بھی کارروائی کا بھر انداز میں جواب دیا جائے۔ واضح رہے کہ گزشتہ کئی دنوں سے لائن آف کنٹرول پر امسال جنگ بندی معاہدے کی خلاف وزریاں جاری رہی ۔