جموں میں تجاوزات مہم کے دوران پتھراو کے الزام میں ڈی ڈی سی ممبر سمیت 8 گرفتار

جموں/ 07 فروری / ٹی آئی نیوز

جموں کے ملک مارکیٹ علاقے میں سنیچر کو تجاوزات کے خلاف مہم کے دوران پتھراو¿ کے واقعہ کے سلسلے میں جموں و کشمیر پولیس نے اب تک آٹھ لوگوں جن میں ضلع ترقیاتی کونسل ممبر بھی شامل ہے کو گرفتار کیا ہے۔

پولیس کے مطابق ملک مارکیٹ میں غیر قانونی تجاوزات کے خلاف مہم کے دورا ن لوگوں نے پتھراو¿ کیا اور گاڑیوں کو بھی نقصان پہنچایا، جس کے بعد پولیس کو مظاہرین کو منتشر کرنے اور حالات کو قابو میں رکھنے کے لیے آنسو گیس کے گولے داغنے پڑے۔

واقعے کے بعد قانون کی متعلقہ دفعات کے تحت ایک کیس درج کیا گیا تھا اور تحقیقات کو حرکت میں لایا گیا تھا جس کے دوران بہت سے پتھراو¿ کرنے والوں کی شناخت کی گئی تھی۔

انہوں نے کہا کہ اب تک آٹھ لوگوں کو گرفتار کیا گیا ہے جن میں کچھ شناخت شدہ پتھرباز اور چند دیگر لوگ شامل ہیں جو لوگوں کو اکسانے کے الزام میں ہیں۔
انہوں نے کہا کہ عام آدمی پارٹی کے ڈوڈہ سے ڈی ڈی سی ممبر مہراج ملک کو بھی گرفتار کر لیا گیا ہے۔