بھارت اپنی یکجہتی ، سا لمیت اور خودمختاری کا دفاع کرنے کیلئے تیار:راجناتھ سنگھ

وزیر دفاع نے کیاراجستھان میں قومی شاہراہ پرہنگامی لینڈنگ سہولیات کاادفتتاح

سری نگر:٩،ستمبر:: وزیر دفاع راج ناتھ سنگھ نے جمعرات کو کہا کہ ملک اپنی یکجہتی ، سا لمیت اور خودمختاری کا دفاع کرنے اور کسی بھی چیلنج سے نمٹنے کیلئے تیار ہے۔کشمیرنیوز سروس (کے این ایس )مانٹرینگ ڈیسک کے مطابق راجستھان کے جالور میں قومی شاہراہ پر ہنگامی لینڈنگ فیلڈ کا افتتاح کرتے ہوئے ،راجناتھ سنگھ نے کہاکہبین الاقوامی سرحد کے اتنے قریب ہنگامی لینڈنگ فیلڈ ہونا ظاہر کرتا ہے کہ ہندوستان اپنے اتحاد ، سا لمیت اور خودمختاری کے دفاع کے لئے ہمیشہ تیار ہے،اوراس سے ظاہر ہوتا ہے کہ بھارت کسی بھی چیلنج سے نمٹنے کی صلاحیت رکھتا ہے۔ وزیر دفاع راج ناتھ سنگھ نے مزید کہا کہ کسی بھی قدرتی آفت کے دوران ہنگامی لینڈنگ فیلڈز مفید ہیں۔بھارتی فضائیہ کے C-130J سپر ہرکولیس ٹرانسپورٹ طیارہ وزیر دفاع راج ناتھ سنگھ ، روڈ ٹرانسپورٹ وزیر نتن گڈکری اور ایئر چیف مارشل آر کے ایس بھدوریا کے ساتھ جمعرات کو راجستھان کے جالور میں قومی شاہراہ پر ایمرجنسی فیلڈ لینڈنگ پر اترا۔ وزیر دفاع نے کہاکہ یہ ہنگامی لینڈنگ فیلڈ اور تین ہیلی پیڈ نہ صرف جنگ کے وقت مفید ہوں گے بلکہ کسی بھی قدرتی آفت کے دوران بچاؤ اور امدادی کام انجام دیں گے۔انہوں نے یہ بھی بتایا کہ نیشنل ہائی ویز اتھارٹی آف انڈیا (این ایچ اے آئی) 20 مقامات پر ہنگامی لینڈنگ فیلڈز تیار کر رہی ہے اور کئی مقامات پر ہیلی پیڈ بھی تعمیر کر رہی ہے۔اسی تقریب سے خطاب کرتے ہوئے روڈ ٹرانسپورٹ کے وزیر نتن گڈکری نے کہاکہجب بھی کوئی آؤٹ آف دی باکس آئیڈیا تجویز کیا جاتا ہے ، خدشات ابھرتے ہیں۔ لیکن وزارت دفاع اور فضائیہ کے تعاون پر خوشی ہے جس کی وجہ سے یہ 3 کلومیٹر طویل سڑک اور ہوا کی پٹی کا کامیاب آغاز ہوا۔وزیر دفاع اورروڈ ٹرانسپورٹ اور شاہراہوں کے مرکزی وزیربرائے نے جمعرات کو راجستھان کے بارمیر میں قومی شاہراہNH-025A کے ستہ،گندھاو اسٹریچ پر ہنگامی لینڈنگ سہولت کا افتتاح بھی کیا۔یہ پہلا موقع ہے کہ قومی شاہراہ کو بھارتی فضائیہ کے طیاروں کی ہنگامی لینڈنگ کے لیے استعمال کیا جائے گا۔