جموں/21فروری
انکم ٹیکس ڈپارٹمنٹ نے جموں وکشمیر سمیت ملک کے 64مقامات پر چھاپے مارے جس دوران اہم کاغذات کو ضبط کیا گیا۔انکم ٹیکس ڈپارٹمنٹ نے منگل کے روز ملک کی مختلف ریاستوں میں 64مقامات پر چھاپے مارے۔
معلوم ہوا ہے کہ جموں وکشمیر میں بری برہمنہ علاقے میں معروف کمپنی کے آفس پر چھاپہ ڈالا گیا اور وہاں پر تلاشی لی گئی۔بتادیں کہ مالی بد عنوانی کے سلسلے میں انکم ٹیکس ڈپارٹمنٹ نے چھاپے ڈالے۔
دریں اثنا جموں سے نامہ نگار نے اطلاع دی ہے کہ انکم ٹیکس ڈپارٹمنٹ سے وابستہ مختلف ٹیموں نے بری برہمنہ انڈسٹریل ایریا میں چھاپے مارے اور وہاں کاغذات کی باریک بینی سے جانچ پڑتال شروع کی۔
انہوں نے بتایا کہ بری برہمنہ انڈسٹریل ایریا میں چار یونٹوں پر مختلف ٹیموں کی جانب سے چھاپے مارے گئے اور وہاں اہم کاغذات کو ضبط کیا گیا۔ذرائع کا کہنا مالی بد عنوانی کی اطلاع ملنے کے بعد انکم ٹیکس نے کارروائی کو انجام دیا۔اس سلسلے میں مزید تفصیلات کا انتظار ہے۔
Comments are closed.