New Delhi, Jun 16 (ANI): Union Home and Co-operation Minister Amit Shah chairs a high-level meeting to review Jammu and Kashmir security situation, at North Block in New Delhi on Sunday. Jammu and Kashmir Lieutenant Governor Manoj Sinha, National Security Advisor Ajit Doval an other dignitaries also present. (ANI Photo/Shrikant Singh)

امیت شاہ نے اعلیٰ سطحی میٹنگ میں جموں کشمیر کی سیکورٹی صورتحال کا جائزہ لیا

By KPS Multimedia Desk On جون 16, 2024

نئی دہلی / 16جون

محض 48گھنٹوں کے وقفے کے دوران وزیر داخلہ امیت شاہ نے جموں کشمیر کی مجموعی سیکورٹی صورتحال کے ساتھ ساتھ امرناتھ یاترا کے انتظامات کا جائزہ لینے کیلئے نے نئی دلی میں دوسری اعلیٰ سطحی میٹنگ کی صدارت کی۔

میٹنگ میں قومی سلامتی مشیر اجیت ڈوول، فوجی سربراہ جنر ل منوج پانڈے ، انٹیلی جنس بیورو کے سربراہ ،، داخلہ سیکرٹری اجے بھلا، جموں کشمیر کے لیفٹنٹ گورنر منوج سنہا ، شمالی کمان کے فوجی کمانڈر لیفٹنٹ جنرل سچیندرا ، 15کور کے فوجی کمانڈر ، پولیس سربرآہ آر آرسوئن کے ساتھ ساتھ وزارت داخلہ کے اعلیٰ افسران اور سنٹرل آرمڈ پولیس فورسز کے دیگر سینئر افسران نے شرکت کی۔

میٹنگ کے دوران وزیر داخلہ امیت شاہ کو جموں و کشمیر میں امن و امان کی موجودہ صورتحال پر تفصیلی جانکاری دی گئی ۔ اس کے علاوہ لائن آف کنٹرول اور بین الاقوامی سرحد کے ساتھ والے علاقوں کی صورتحال، سرحد پار سے دراندازی کی کوششوں اور پونچھ راجوری میں فوجی اہلکاروں اور ریاسی میں یاتری بس پر حملے پر بھی تبادلہ خیال کیا گیا۔