اسمبلی انتخابات : جموں کشمیر میں ماڈل کوڈ آف کنڈنٹ نا فذ

سرینگر /16اگست /

جموں کشمیر میں اسمبلی انتخابات کے اعلان کے ساتھ ہی ماڈل کوڈ آف کنڈکٹ نافذ ہو گیا ہے ۔ اس ضمن میں جاری ایک حکمنامہ کے مطابق ماڈل کوڈ آف کنڈکٹ انتخابی شیڈول کے اعلان کے فوراً بعد نافذ العمل ہو جاتا ہے۔

بیان میں کہا گیا ہے ”ماڈل کوڈ کی تمام شقیں تمام امیدواروں، سیاسی جماعتوں اور مذکورہ ریاست اور یوٹی کی حکومت کے حوالے سے پورے ہریانہ اور جموں و کشمیر پر لاگو ہوں گی“۔اس نے مزید کہا کہ انتخابی ضابطہ مرکزی حکومت پر بھی لاگو ہوگا جہاں تک ہریانہ اور جموں و کشمیر سے متعلق اعلانات اور پالیسی فیصلوں کا تعلق ہے۔

خیال رہے کہ الیکشن کمیشن آف انڈیا نے جموں و کشمیر میں تین مرحلوں میں اسمبلی انتخابات کے شیڈول کا اعلان کیا جو کہ طویل عرصے سے زیر التواءتھے۔ پہلا مرحلہ 18 ستمبر، دوسرا 25 ستمبر اور تیسرا مرحلہ یکم اکتوبر کو ہوگا۔ نتائج کا اعلان 4 اکتوبر کو کیا جائے گا۔