ایس ایس پی گاندربل نے ہرمکھ گنگا بل یاترا کو جھنڈی دکھائی

گاندربل / 03ستمبر /ٹی آئی نیوز

سالانہ ہرمکھ گنگابل یاترا یہاں وسطی کشمیر کے گاندربل ضلع کے ناراناگ میں کشمیری پنڈتوں کے مذہبی جوش و جذبے کے درمیان شروع ہوئی۔
کئی پنڈت یاتری سالانہ ہرمکھ گنگابل یاترا میں شامل ہوئے جسے ڈی سی گاندربل شیامبیر اور ایس ایس پی گاندربل نکھل بورکر نے ناراناگ سے جھنڈی دکھا کر روانہ کیا۔
یاتری آج صبح ناراناگ میں تاریخی مندر میں جمع ہوئے جہاں سے وہ آٹھ گھنٹے کی پیدل سفر کے لیے گنگبل جھیل کی طرف روانہ ہوئے۔ ”یہ 14ویں سالانہ گنگا بل یاترا تھی جسے ہم نے تقریباً 100 سال بعد 2009 میں بحال کیا۔
ایک کشمیری پنڈت نے جو اس یاترا کا حصہ تھے نے بتایا کہ ہم نے کشمیر میں امن اور معمول کے لیے دعا کی۔