ٹیم انڈیا کو ٹسٹ سیریز میں شکست کا سامنا کرنا پڑے گا، کوہلی سے زیادہ رن بنائیں گے عثمان خواجہ

ٹیم انڈیا اورآسٹریلیا کے درمیان ٹسٹ سیریز کا آغاز ہونے میں ابھی ایک ہفتہ بچا ہے، لیکن اس سے پہلے ہی آسٹریلیائی سینئروں نے ہمیشہ کی طرح اپنے بیانات اورقیاس آرائیوں کا سلسلہ شروع کردیا ہے۔ آسٹریلیا اورانڈیا کے درمیان 6 دسمبرسے چارٹسٹ میچوں کی سیریز شروع ہورہی ہے۔

آسٹریلیا کے سابق کپتان رکی پونٹنگ نے تو ٹیم انڈیا کی شکست کی قیاس آرائی کرڈالی ہے۔ یہی نہیں پونٹنگ کے مطابق ٹسٹ سیریز کے سب سے بڑے ‘رن مشین’ وراٹ کوہلی نہیں بلکہ آسٹریلیائی بلے باز عثمان خواجہ ہوں گے۔

کرکٹ آسٹریلیا کی ویب سائٹ کو دیئے انٹرویو میں رکی پونٹنگ نے کہا کہ مجھے لگتا ہے یہ ٹسٹ سیریز آسٹریلیا جیتے گا۔ ہندوستان کواس سیریز میں 2-1 سے شکست ملے گی۔ رکی پونٹنگ نے یہ قیاس آرائی آسٹریلیا میں ٹیم انڈیا کی تاریخ کو دیکھتے ہوئے کی ہے۔ ٹیم انڈیا نے کبھی آسٹریلیا میں ٹسٹ سیریزنہیں جیتی ہے۔ اس کے آسٹریلیا میں جیتنے کی 11 کوششیں ناکام رہی ہیں۔ ٹیم انڈیا کوآسٹریلیا میں ْ44 میں سے صرف 5 ٹسٹ میچوں میں جیت ملی ہے۔

سابق کپتان رکی پونٹنگ نے وراٹ کے اچھی کارکردگی کی امید تواظہار کیا، لیکن ساتھ ہی انہوں نے یہ بھی کہا کہ سیریز میں سب سے زیادہ رن عثمان خواجہ بنائیں گے۔ پونٹنگ نے یہ بھی دعوی کیا کہ پلیئرآف دی سیریزکا خطاب بھی عثمان خواجہ جیتیں گے۔

پونٹنگ نے بیان دیا "آسٹریلیا میں عثمان خواجہ کا ریکارڈ شاندار ہے۔ ہندوستان کے تیز گیند باز خطرہ ضرور ہیں، لیکن خواجہ ان سے نمٹنے میں ماہرہیں۔ مجھے لگتا ہے کہ عثمان خواجہ سیریز میں سب سے زیادہ رن بنائیں گے اوروہ مین آف دی سیریز بھی ہوں گے۔ عثمان خواجہ پرسلیٹروں نے بھروسہ ظاہرکیا تھا اورانہوں نے یواے ای میں شاندارسنچری لگائی تھی۔